Familja Berisha valë pagesash në SHBA, Francë dhe Angli…
Publikimi i kontratës së lobimit 6 mln dollarë, ka shkaktuar tërmet në PD. Përveç faktit që ajo u mbajt e fshehtë, ajo që trondit është shuma. 6 mln dollarë, është një ndër kontratat më të shtrenjta të deklaruara në Departamentin e Drejtësisë.
PD deri më sot nuk ka bërë shumë transparencë mbi financimet, duke deklaruar se janë mbështetje nga “patriotët”, por dihet se bëhet fjalë për pare që del nga familja Berisha. Dhe ky nuk është rasti i vetëm. Fëmijët e Berishë kanë hedhur miliona e miliona për të “larë mëkatet”.
Nëse i referohemi dosjes së SPAK, mbi privatizimin e ish-kompleksit Partizani, na jepen ca të dhëna interesante.
Vitin 2017: Janë dhënë 27.439,98 USD. Kaq është paguar avokati i Shkëlzen Berishës në Amerikë Jason Zolads, në USA, shumë kjo e pretenduar e dhënë pa interes, sipas vetëdeklarimit të djalit të Berishës. Duhet të kujtojmë se Shkëlzen Berisha hapi një proces gjyqësor në SHBA, ndaj Simon & Shuster dhe Guy Lawson, botues dhe autor i librit “Qentë e luftës”. Ata akuzonin Shkëlzenin si të përfshirë te Gërdeci. Por ai humbi gjyqin si në SHkllë të aprë dhe në Apel. gjykatat rrëzuan padinë e Shkelzenit dhe për pasojë dhe kërkesën e tij për një dëmshpërblim prej 60 milionë dollarësh për prishje imazhi. Fakti është se humbësi i një gjyqi kudo në botë dhe për më tepër në SHBA duhet të paguajë të gjitha shpenzimet. Që i bie 10 për qind e shumës së kërkuar nga paditësi si dëmshpërblim. Pra nëse llogariten 600 mijë dollarë në Shkallën e Parë dhe 600 në Apel, shkojnë te 1.2 mln dollarë. Para që nuk dihet a janë dhënë, kur janë dhënë dhe në çfarë forme.
Viti 2021: Janë paguar gjithsej 19.933 euro. Sipas SPAK, 13,288 euro janë paguar nga Jamarbër Malltezi si shpenzime konsulence avokatie për zyrën ligjore në Francë për çështjen Antony Blinken. Bëhet fjalë për çështjen gjyqësore në Gjykatën Korreksionale të Parisit ku në gusht të 2021 ish kryeministri Berisha paditi për shpifje sekretarin amerikan të shtetit Antony Blinken. Ky i fundit në maj të 2021 e shpalli ‘non grata’ në SHBA Berishën dhe familjen e tij. Ndërsa pjesa tjetër, shuma prej 6.644 euro është paguar për Shkëlzen Berishën për të njëjtën çështje.
Viti 2022: Argita Malltezi shleu faturat e studios ligjore në Mbretërinë e Bashkuar për babanë e saj, i cili u shpall non grata edhe nga Mbretëria e Bashkuar më 19 korrik 2022. SPAK thotë se 72 mijë dollarë janë faturat e likuiduara për studion ligjore, pagesë e konfirmuar edhe sipas konfirmimeve bankare për ZAIWALLA And Co Limited.
Viti 2023: Janë 201,675.6 euro dhe 54,382.76 USD të paguara si likuidim të faturave të studios ligjore në Mbretërinë e Bashkuar në lidhje me gjyqin për babanë Sali Berisha.
Viti 2024: Janë paguar 213,590 euro. Fatura këto të paguara nga Argita Malltezi për të likuiduar studion ligjore në UK (Mbretërinë e Bashkuar) në lidhje me gjyqin e nisur nga Sali Berisha.
Viti 2025: PD paguan 6 mln dollarë për “Contiental Strategy”. Kontrata është për 2 vite dhe PD do të paguajë nga 250 mijë dollarë në vit. Qëllimi kryesor është të hiqet “non grata” e Berishës. Burimi i parave është shumë mistik. /Pamfleti
