Në rubrikët e tij në rrjetet sociale “Sy m’sy”, ka komentuar kontratën 6 milionë dollarëshe të lobimit të Partisë Demokratike në SHBA.
“Thanë janë mbledhur disa patriotë që nuk dihet se kush janë, sepse nuk janë, dhe paskan grumbulluar 6 milionë dollarë për të pastruar damkën nga balli i bufit të kënetës, damkën e Shteteve të Bashkuara për korrupsion madhor dhe minim të demokracisë.
Pse duheshin 6 milionë dollarë nëse damka ishte pasojë e një komploti mes meje dhe Soros?
Pse duhej kjo kontratë 6 milionë dollarëshe e cila është ku e ku më e lebetitshme se ajo e Lulit të shkretë që u bë copash për të justifikuar ato 500 mijë dollarët? Edhe ai ashtu tha, disa patriotë. Po ai tha 500 mijë, këto janë 6 milionë dollarë.
Pjesë e zjarrit patriotik është edhe sjellja e Latifit në Tiranë për t’i vënë bufit kapelën në kokë, që të duket si Trump, por versioni më qesharak i mundshëm. Latifi ka marrë pjesën e tij në këto 6 milionë dollarë, kanë dalë nga barku i kënetës dhe synojnë të realizojnë atë që na u tha se ishte një gjë e realizuar tashmë”, tha Rama.
