Monika Kryemadhi ka publikuar një video, ku një fëmijë shfaqet duke shprehur mbështetjen për presidentin e PL, Ilir Meta. Ai ndodhet i paraburgosur prej datës 21 tetor 2024 pasi SPAK ngriti disa akuza.
Kryemadhi shpreh mirënjohje për të gjithë miqtë e rinj dhe të vjetër për mbështetjen, siç thotë ajo, që i japin fëmijëve të saj, në këtë fushatë, sipas saj të vështirë.
“Asnjëherë nuk është mjaft për të thënë atë që ndjen, atë për të cilën beson në veten tënde por edhe tek njerëzit që të duan dhe të kanë dashur pa interes. Për të gjithë ju miqtë e mi të rinj e të vjetër ngado që jeni faleminderit për mbështetjen e mrekullueshme që iu jepni fëmijve të mi në këtë fushatë të vështirë për ta.
Zëri juaj është kudo në çdo gërmë të mesazheve tuaja të jashtëzakonshme në vërtetësinë e tyre sepse sot më shumë se kurrë mirënjohja ime me ju është pafund. Faleminderit! Voto 1 Voto Ilir Metaj”.
