Kryeministri Edi Rama ishte sot në Lezhë për takimin e radhës elektoral në javën e fundit të fushatës para zgjedhjeve të 11 majit. Rama u ndal te kundërshtari dhe opozita.
Kryeministri vuri në pah primaret që zhvilloi PD-ja pak muaj më parë ku sipas tij, asnjë prej atyre që morën votë masive në bazë nuk është kandidat për deputet, duke marrë shembullin e Dash Sulës apo kryetares së PD në Sarandë.
Rama: Bufi është një kafshë që rri dhe ha miletin e vet aty. Krimba, zhaba, bretkosa. Fiks PD-ja. Ai rri dhe rri lart. Edhe sheh. Atë kënetën që e mbledhin në 200-300 veta e lejnë në diell, bufiti i kanë marrë një çadër dhe bufi flet nga pema. Fiks kënetë. Edhe bufi i ha. Kush fitoi primaret në Tiranë, Elbasan, Sarandë nuk është fare nëpër lista. Dash Sulën gjel detin e Peqinit, fitoi primaret nuk e sheh fare.
Atë nuk e ha dot bufi se është gjel. Bufi nuk do njerëz me personalitet. Nuk do insekte që mund të bëhen flutura. Bufi do llumin që e mban lidh pas vetes dhe që ushqen gjithë dynjanë sa herë del në rrugë. Ishte sot në Tropojë. Nga gjithë veriu, kush është zona më e pafinancuar deri sa erdhëm ne. Ai flet veriu, veriu. Gjithë investimet në veri nga unë dhe PS, nuk bëjnë sa janë bërë në këtë periudhë. E dini kush është zona ku nuk ka investuar asgjë? Tropoja. Tropoja kur kam vajtur, siç ishte kur kam qenë student. S’kishte asgjë.
Rama ironizoi opozitën dhe Berishën. Kryeministri tha se LaCivita është “zhdukur” dhe magjia që premtoi nuk po funksionon.
Sakaq, parashikoi se si do jetë sjellja e Berishës nga data 11 maj kur do shpalli fitoren deri dy ditë më pas kur do shpalli vjedhjen më madhështore në historinë e Shqipërisë.
Rama: Noizy ka bërë album këngësh, po bufi çka bërë që të japë 6 mln atje në Amerikë që të heqë matrikullimin te veshi. I mori Latifi gjitha to lekë, se do i bënte magji. Latifi nuk dihet nga është. Magjia nuk po funksionon. Bufi ka filluar historinë që po afrohen vjedhjet.
Deri të premten do vazhdojë sa më i tmerruar jam unë, më 11 në darkë do thotë fitorja më madhështore e kënetës. Më 12 paradite do dali një tjetër ky Bahri Falliu jr. Fitorja në kuti numërojini me kujdes. Më 12 në darkë nuk do dali njeri. Më 13 do dali bufi, vjedhja më madhështore në historinë e Shqipërisë.
Pyetja për demokratët është çfarë do bëjnë. Çfarë do bëjnë demokratët e Lezhës? Do vijnë me ne, për të bashkuar forcat në këtë moment historike për Shqipërinë në BE? Apo do shkojnë pas bufit në gropë. Pse ky është një takim me historinë?
