Kretari i Lidhjes Demokratike të Kosovës (LDK), Lumir Abdixhiku, ka folur për mediat pas dërgimit të letrës së kryeministrit në detyrë, Albin Kurti.
Teksa doli nga Kuvendi i Kosovës, Abdixhikut u ndal dhe foli për mediat, teksa deklaroi se shumë shpejt do të kthejë përgjigje. Por, fillimisht ai tha se duhet të lexojë letrën, teksa mohoi të ketë pasur një takim zyrtar me Kurtin në Kuvend.
“Kam marrë një letër, do të kthej përgjigje me kohë. Ju faleminderit shumë, më lejoni të shkoj ta shoh letrën, pastaj do të kthej përgjigje me kohë.
Nuk ka ndodhur asnjë diskutim, ishim në drekë me deputetët”, u shpreh Abdixhiku në një prononcim për media.
Kujtojmë se në letrën e Kurtit, theksohej qartë gatishmëria e LVV-së për koalicion me LDK-në, për të arritur një marrëveshje politike, e nevojshme për të zgjidhur ngërçin politik të krijuar së fundmi në Kosovë.
