Jozefina Topalli kërkoi nga SPAK të marrë nën hetim menaxhimin e votës së diasporës për shqiptarët që jetojnë në Greqi, që siç tha ka dalë jashtë kontrollit.
Në një konferencë për mediat, Topalli tha se PD ka dyshime që votimi i diasporës në Greqi po kontrollohet nga njerëz të pushtetit.
“Kemi dyshime të thella që votimi i diasporës po kontrollohet nga njerëz të pushtetit. Ndaj i kërkojmë SPAK të përfshihet te rasti i Greqisë dhe marrja e menaxhimi të DHL nga njerëz që nuk kanë lidhje me të. Nuk është thjesht shkelje e ligjit por dalje nga kontrolli, ndaj kërkojmë edhe OSBE dhe ODIHR…Po ndodh edhe që ata që kanë votuar jashtë e kanë emrin edhe në listat brenda vendit, kemi shkelje të kodit zgjedhor”, tha Topalli.
