Deputetja e Partisë Socialiste dhe kandidate për zgjedhjet e ardhshme, Ermonela Felaj, ka folur për fushatën zgjedhore. Ajo ka theksuar se puna në këtë periudhë ka qenë shumë intensive, duke u përqendruar në takimet dhe përgatitjet për mbylljen e fushatës. “Puna këto ditë ka qenë shumë intensive. Kemi takime të shumta dhe po mbyllim fushatën. Kjo fushatë ka qenë ndryshe, pasi formula ka qenë e ndryshme dhe ka pasur më shumë garë në territor,” tha Felaj.
Ajo theksoi se çdo kandidat duhet të punojë fort për të siguruar mandatin personal dhe për të shtuar votat për Partinë Socialiste. Sipas saj, kjo është struktura e sistemit zgjedhor aktual. Felaj gjithashtu bëri thirrje për kujdes, duke theksuar se fitorja nuk është vetëm çështje arritjeje, por edhe mbajtjeje.
“Fitorja jo vetëm duhet të arrihet, por edhe të mbahet,” shtoi ajo. Duke folur për strategjinë e saj gjatë fushatës, deputetja e PD-së theksoi se ka punuar pa paragjykime ndaj simpatizantëve apo elektoratit të “gri”. “Nuk kam hyrë në fushatë me paragjykime se kush është socialist apo jo, por me qëllimin që të bëhem zëri i qytetarëve”, përfundoi Falaj.
