Elmas Bogdani
Avokati i njohur, Spartak Ngjela zbulon se Serbia, në bashkëpunim me elementë të caktuar brenda Shqipërisë, është angazhuar në një operacion politik të sofistikuar për të kthyer ish-kryeministrin Sali Berisha në pushtet. Ngjela thekson se Beogradi është i shqetësuar nga një Bashkim Kombëtar shqiptar dhe nga ndikimi që mund të ketë një Shqipëri e fuqishme në Ballkan. Ai gjithashtu shton se plani i Serbisë për të përdorur Berishën është i lidhur ngushtë me interesat politike dhe ekonomike të këtij shteti. Ai paralajmëron në analizën e tij se situata në Shqipëri kërkon vëmendje të shtuar nga aleatët perëndimorë, veçanërisht nga Shtetet e Bashkuara. Ai thekson se plani serb për të ruajtur një Shqipëri të dobët dhe për të penguar bashkimin kombëtar shqiptar duhet të njihet dhe të kundërshtohet
Por një gazetar filozof i pyeti serbët me një farë injorimi: Po Uashingtoni çfarë thotë? Dhe serbët lanë konferencën dhe ikën kokëulur. Ekspertët e thellë të çështjes evropiane thonë se BE nuk do ta pranojë Shqipërinë në Bashkimin Evropian, dhe sot krerët e Evropës thonë që e kemi amanet historik të ekspertizës së lartë që na ka thënë: Kurrë nuk duhet ta lejojni Shqipërinë që të shkojë edhe një herë tjetër te Teuta e Madhe. Vetëm Teuta e Madhe ishte ajo që ia arriti qëllimit të krijonte Ilirinë e Madhe që fliste që atëherë gjuhën e sotme shqipe. Po politika amerikane analitikisht e di tani që Rusinë e ka trembur shumë aleanca e ngushtë shqiptaro – amerikane? Se shqiptarët po të bashkohem sot, me gjithë shqiptarët e Turqisë dhe të Egjiptit janë rreth 25 milionë Sigurisht që politika e lartë amerikane e di. Dhe, pikërisht te kjo politikë, ka filluar politika e re e shqiptarisë si federatë e ardhshme: Shqipëri, Kosovë Çamëri dhe Maqedoni. Gjermanët në vitin 1943- 45 e krijuan edhe ata Shqipërinë e Teutës, por humbën Luftën e Dytë Botërore. Edhe amerikanët sot tek Shqipëria e Teutës së Madhe duan të shkojnë, kjo kuptohet, por nuk janë në unison krerët e Shqipërisë dhe Kosovës: Rama dhe Kurti.
Plani serb për Sali Berishën
Kurse… Saliu po i thotë Beogradit: unë i bëra të gjitha, por nuk e skllavërova dot Shqipërinë tek ju, sepse ju keni shekuj e shekuj që keni kompleks inferioriteti ndaj shqiptarëve. Ju shqiptarët ne ju morëm në vitin 1944, thonë serbët, por na ikët, sepse ne gabuam që nuk vramë Enver Hoxhën; se këtu tek ne do ishit ende tani. Kurse sot… Serbët po bëjnë çmos që të sjellin Saliun në pushtet absolut në Shqipëri, por tani kanë frikë nga politika amerikane. Koha, që nga Perandoria Romake, Perandoria Bizantine, Perandoria Austro- Hungareze, dhe Gjermania Naziste, ka aspiruar për një perandori arbërore të cilën e kishin shumë frikë nëse ajo krijohej, dhe frika u është përcjellë sllavëve nga Piroja dhe Teuta e Epirit, edhe nga Aleksandri i Maqedonisë; por, sigurisht, edhe nga fama e madhe historike e Gjergj Kastriot Skënderbeut.
Ne kishim shpresë te Trump që me atë, të vinim te ju, i thotë Saliu Beogradit, kurse Viçët e Beogradit qeshin me Saliun, sepse ata e kanë ditur që edhe Trump donte Shqipërinë e Etnike. Por, a do ta bëjnë amerikanët këtë? Duhet të presim dhe ca pak kohë, se do ta bëjnë. Historiani Maksimus ka thënë që kot lodhen serbët, sepse Amerika për Shqipërinë ka marrë si interes politikën e Austrisë dhe Gjermanisë hitleriane, për të krijuar Shqipërinë e Madhe. Kurse historiani Maksimus tha para ca ditësh që Shqipëria e Teutës së Madhe është në krijim e sipër. Por, Shqipëria etnike ka një pengesë sot. Pengesa mendohet se është kryeministri Rama i Shqipërisë, por ai, po nuk e arriti dot këtë skemë, do të likuidohet. Gjithsesi duhet pranuar se Tama është i pari kryeministër shqiptaar i pasluftës që ka folur hapur për Çamërinë. Historianin Maksimus e pyetën se përse Serbia ka më se 150 vite që i trembet bashkimit të shqiptarëve në një shtet të madh?
Historiani Maksimus u tha: Është Shqipëria e Etnike – Shqipëri, Kosovë, Maqedoni, Çamëri që u del serbëve në ëndërr dhe i tmerron tre herë në javë. Dhe ajo do të krijohet, sepse Shqipëria Etnike nuk para varet shumë nga politika, ngaqë Shqipëria etnike është magji historike, e cila ka ardhur nga Piroja i Epirit, te Teuta e Madhe; nga Teuta e Madhe te Gjergj Kastriot Skënderbeu dhe te Shqipëria Etnike që formuan gjermanët në Luftën e Dytë Botërore. Të gjithë njerëzit e mëdhenj të epokave evropiane kanë dashur Shqipërinë Etnike, dhe kanë ecur sipas metodës historike të Teutës së Ilirisë në Gadishullin Ilirik. Koha është rikthyer sërish këtu, me Trump-in në Uashington dhe me forcën e Gjermanisë në Evropën e sotme”, përfundon analizën Ngjela.
