Kreu i KQZ-së, Ilirjan Celibashi, foli sot në studion e emisionit “Kjo Javë” në News 24 me moderatore Nisida Tufën, për problemet që janë raportuar lidhur me zrafet e votimit të shqiptarëve të diasporës.
Celibahsi tha se KQZ është duke verifikuar çdo rast të raportuar. Sakaq ai theksoi se asnjë nga këto episode nuk zbehin suksesin e këtij procesi.
Ilirjan Celibashi: Ne kemi mbi 170 mijë fletë votimi të kthyera mbrapsht gati 65% e fletëve të votimit ose diçka më shumë kanë mbërritur në KQZ dhe këtu nuk ka asnjë pretendim asnjë lloj reklamimi. Ky numër me siguri do të shtohet, e thashë në parantezë për të ri konfirmuar atë që thashë më herët, që ky proces ka shkuar shumë mirë.
Fakti se ka episode të tilla edhe nëse i konsiderojmë se janë 100% të vërteta si fakte prapë nuk e cenojnë dhe nuk e zbejnë suksesin e këtij procesi. Gjithsesi ne jemi duke verifikuar çdo rast, janë të angazhuara dhe struktura të tjera shtetërore që kanë kompetenca të ndryshme nga KQZ sikur se janë hetimi penal për të bërë hetimin për çdo pretendim që bëhet nga jashtë.
