Agron Shehaj i Partisë Mundësia tha se në Qarkun e Tiranës kjo parti mund të marrë mbi 3 mandate deputetësh.
Në emisionin Opinion, Shehaj tha se partia e tij ka mbi 1 mijë vëzhgues që do të vëzhgojnë nga afër procesin e numërimit.
“Po presim rezultatin. Është e vështirë të bësh parashikime në këtë moment, por po monitorojmë procesin e numërimit, kemi mbi 1 mijë vëzhgues dhe presim me besim rezultatin”, u shpreh ai.
Pjesëmarrjen relativisht të ulët, krahasuar me 4 vite më parë, Shehaj e lidh me largimin masiv të shqiptarëve jashtë vendit.
“Nëse rezultati do të kthehet apo jo në mandate, për ne është i rëndësishëm maksimizimi i numrit të votave”, u përgjigj Shehaj.
Në vijim, Shehaj pranoi të verë edhe një bast publik, duke deklaruar se në Tiranë ‘Mundësia’ mund të marrë mbi 3 mandate.
