Dash Sula, deputet i PD-së, i lënë jashtë listës së kandidatëve për deputetë në Qarkun e Elbasanit, u shpreh në emisionin “Të Paekspozuarit” në MCN TV se kishte paralajmëruar që në korrik 2024 humbjen e PD-së, kur u bë “martesa” PD-PS për mbylljen e listave. Sula më pas tregoi edhe katër arsyet pse ndodhi kjo humbje e thellë.
“E kam paralajmëruar në korrik 2024 kur u bë martesa PD-PS për mbylljen e listave. I kam thënë Ramës mos dil në fushatë në 2025 që mos marrësh shumicë të cilësuar sepse do të shkatërrosh demokracinë dhe opozita do të kthehet në OJF.
Katër arsye kam pse ka ndodhur kjo gjë. E para ka të bëjë me opozitën, PS është vetëm një lum, kurse PD si përrenjtë.
PD duhet të bashkonte opozitën në tërësi.
E dyta. Ishte jashtëzakonisht e rëndësishme parimet, respektimi i primareve.
Sipas Berishës jam zëvendësuar me një grua. Kështu tha Berisha, e ka zëvendësuar zonja Çapja, por ç’punë kam unë me të, ajo ka kuotën e grave.
Sali Berisha e kishte të pamundur, për shkak se është makinë më e vjetër politike se Rama. Duhej figurë tjetër për kyeministër. Duhej figurë unifikuese. E katërta, nga 26 parti, Jenishehri dhe Gjuzi, aleatët strategjikë, më të mirë se kishim SPAK në opinionin e qytetarëve që e mbështesin, kemi bërë denoncime, pavarësisht të metave, por futi Veliajn në burg, duhet ta mbështesim dhe jo ta quanim organizatë kriminale. E tmerrshme.
Këto janë faktorët që çuan në rrënimin e opozitës”- tha Sula.
