Koalicioni “Nisma Shqipëria Bëhet” po lufton për mandatin e dytë, që shpreson ta marrë atë përmes votave në qarkun e Fierit.
Në një intervistë për RTSH 24, Adriatik Lapaj u shpreh se gara është e ngushtë për këtë mandat mes koalicionit të tij dhe Partisë Socialiste, ku sipas tij po pret që diferencë ta bëjë vota e diasporës.
“Po luftojmë për të gjitha votat në respekt të qytetarëve. Këtu në Fier po diskutohet për një mandat tjetër, mes nesh dhe PS dhe do të shohim deri në fund edhe me votën e diasporës. Jam i bindur që do e marrim këtë mandat por do presim deri në fund dhe do zbatojnë vullnetin e qytetarëve”, tha Lapaj.
Lapaj tha se nëse partitë e reja do të bashkoheshin, do të mund të merreni 13 mandatet, që do të bënin diferencën e parlament.
“Shqipëria Bëhet po shkon në rreth 70 mijë vota në të gjithë vendin dhe për një parti të re si kjo e jona nuk është pak. Bëra luftë të bashkoja të gjithë partitë e reja, të cilat sot të gjitha bashkë kanë marrë 150 mijë vota, që përkthehet në 13 mandate. Këto mandate do të bënin diferencën. Por ato ndoqën egon personale, para shpresës për popullin. Unë luftova për t’i bashkuar dhe u sulmova nga çdo anë”, tha Lapaj.
Teksa procesit të numrit po i vjen fundit, koalicionin “Nisma Shqipëria Bëhet” ka mundur të sigurojë një mandat.
