Kryekomisioneri Ilirian Celibashi, ka shkuar për monitorim në KZAZ-në 30 në zonë e Kasharit, ku ditën e sotme u dhunua një nga sekretarët.
Gjithashtu, sipas pamjeve të siguruara nga gazetarët, brenda rrethimit të shkollës ku ndodhet kjo KZAZ është parë edhe një automjet i parkuar, në kroskotin e të cilit ndodhej një kuletë me një shumë të konsiderueshme parash.
Tiranë/Informacion paraprak
Rreth orës 14:30, është kërkuar ndërhyrja e Policisë në KZAZ Nr. 30, në Yrshek, pasi gjatë procesit të numërimit, përfaques të subjekteve të ndryshme politike janë konfliktuar me njeri-tjetrin.
Shërbimet e Policisë kanë shoqëruar shtetasin R. N., 26 vjeç, i dyshuar i përfshirë në konflikt, për veprime të metejshme proceduriale.
Në lidhje me pretendimin se në konflikt janë përfshirë dhe punonjës policie, sqarojmë se ky pretendim është i pavërtetë. Vijon puna për shoqërimin e personave të tjerë të përfshirë në konflikt dhe dokumentimin e plotë e rrethanave të konfliktit.
