Pavdekësia është më afër se kurrë dhe do të vijë përmes teknologjisë
A mundet njeriu të “kapërcejë” vdekjen?
Sipas futuristit të famshëm dhe ish-inxhinierit të Google, Ray Kurzweil, po, dhe jo në një të ardhme të largët, por brenda kësaj dekade. Deri në vitin 2030, Kurzweil parashikon që njerëzimi do të jetë në gjendje të ndalojë plakjen dhe të jetojë pafundësisht, falë përparimeve të jashtëzakonshme në nanoteknologji, bioteknologji dhe inteligjencë artificiale.
Nano-robotë që qarkullojnë në gjakun tonë për të riparuar dëmet qelizore. Algoritme që mbrojnë ADN-në nga mutacionet. Inteligjencë artificiale që do të integrohet me trurin tonë për të zgjatur jetën, kujtesën dhe ndërgjegjen, madje edhe për ta ruajtur atë në mënyrë digjitale.
Kurzweil nuk është një teoricien i zakonshëm. Ai ka parashikuar me saktësi rritjen e internetit, smartfonëve dhe AI shumë përpara se të ndodhnin. Sot, ai po flet për një revolucion biologjik, ku njeriu nuk do të jetë më viktimë e plakjes apo sëmundjes, por një entitet i përmirësuar; biologjik dhe digjital.
Kompanitë më të fuqishme në botë po investojnë miliarda në këtë drejtim. Neuralink e Elon Musk, Altos Labs e mbështetur nga Jeff Bezos, OpenAI e Sam Altman, të gjitha po ndërtojnë pjesët e mozaikut drejt një qëllimi të vetëm: ta bëjnë jetën e pafundme realitet.
Po vjen një kohë kur njerëzit nuk do të vdesin më… vetëm do të bëjnë update
#openai #ai #raykurzweil #infinity #tech
