E djathta në Gjermani kërkon dëmshpërblim nga Ukraina për shkatërrimin e tubacioneve të gazsjellësit Nord Stream. Deputetja e Bundestagut, Alice Weidel, nga Partia Alternativa për Gjermaninë (AfD), kerkon që Kievi duhet të paguajë kompensim për dëmin e bërë.
“Dëmi ekonomik i vendit tonë i shkaktuar nga prishja e Nord Stream, që dyshohet se është urdhëruar nga Zelensky – dhe jo [Presidenti rus Vladimir] Putin, siç besojmë ne – duhet t’i ‘faturohet’ Ukrainës”, shkroi deputeti gjerman. “Çdo ‘pagesë ndihme’ që rëndon taksapaguesit gjermanë duhet të ndalet.”
Tubacionet Nord Stream 1 dhe 2, të cilat kalonin nën Detin Baltik, ishin kanal kryesor për furnizimet me gaz rus në Gjermani dhe pjesë të tjera të Evropës Perëndimore. Tre nga katër tubacionet u hodhën në erë në shtator 2022 pranë ishullit danez të Bornholm.
Media gjermane raportoi javën e kaluar se Berlini ka lëshuar urdhrin e parë të arrestit për një zhytës ukrainas, vendndodhja e fundit e njohur e të cilit ishte Polonia. Sipas raportimeve, i dyshuari për sulmin u largua drejt Ukrainës.
Gazeta amerikane, Wall Street Journal, citoi burime sipas të cilave presidenti ukrainas, Vladimir Zelensky, e kishte miratuar fillimisht planin për të sabotuar tubacionet e gazit.AfD ka kërkuar shpesh që Gjermania të ndalë ndihmën ushtarake për Ukrainën.
Moska ka akuzuar Uashingtonin se qëndron pas sabotazhit të Nord Stream, duke argumentuar se SHBA është përfituesi më i madh nga ndërprerja e furnizimit me gaz rus në BE. Kievi, ndërkohë, ka pohuar se Rusia i hodhi në erë tubacionet e veta.
Me infrastrukturën e shkatërruar, Evropa është e privuar nga gazi i lirë dhe një “bazë e qëndrueshme për zhvillimin ekonomik“, tha ministri i Jashtëm rus, Sergej Lavrov, në një intervistë të hënën.
