Kryetari i partisë “Mundësia”, Agron shehaj, u takua sot me emigrantët shqiptarë në Londër.
Mes mijëra mbështesve, ashtu si edhe në takimet e tjera më diasporën shqiptare, Shehaj kujtoi kalvarin e mundimeve të emigrantëve shqiptarë nëpër botë dhe mungesën e qeverisjeve në Shqipëri. Ai premtoi se partia “Mundësia” do të jetë përfaqësuesja e tyre e denjë dhe vota për të do të jetë vota më me vlerë që ata mund të japin në zgjedhjet parlamentare të 11 majit.
Fjala e Agron Shehajt
Fjalimi i kryetarit të Partisë Mundësia, Agron Shehaj në Konventën e Partisë në Londër;
Te dashur miq, te dashur bashkeatdhetare,
Unë e di çfarë do të thotë të largohesh nga vendi yt. E di çfarë do të thotë të hipësh në një anije, të zbresësh në një vend të huaj, me shpresën se përtej detit ka një jetë më të mirë. Më 8 Mars 1991, zbrita në portin e Brindisit, mes mijëra shqiptarëve që flinin në asfalt, të mbuluar me plastikë transparente. Ishte një pamje e frikshme! Dhe në atë moment, të gjithë ne menduam të njëjtën gjë:çfarë dreqin na pret?!
Por ja ku jemi sot! Secili prej jush e mban mend diten e pare ne emigrim. Dikush mbërriti si zotëri me avion. Dikush tjetër me gomone. Dikush i fshehur në një kamion. Por ajo qe na bashkon nuk është mënyra si erdhëm. Ajo qe na bashkon eshte arsyeja pse erdhëm! Erdhem sepse nuk u dorëzuam para të keqes. Morëm fatin në duart tona. Kërkuam një jetë më të mirë. Dhe ia dolëm! Ia dolem me mund. Me sakrifica. Me punë të ndershme! Kjo është historia juaj. Kjo është historia ime. Kjo është historia e miliona shqiptarëve anembanë botës. Dhe për këtë ne duhet të jemi krenarë!
Tregojuni historine tuaj fëmijëve tuaj, nipërve tuaj. Tregojuni për netët pa gjumë, për mallin që ju djeg zemrën, për vëllezërit dhe motrat që latë pas, për tokën ku keni lindur. Ata mbase nuk do t’ju kuptojnë plotësisht, por ju mos u dorëzoni! Sepse kjo është historia juaj, historia e suksesit tuaj, për tëcilën ju duhet të jeni krenarë. Femijet tuaj duhet te jene krenare.
Por ja ku jemi, 33 vite pas rënies së diktaturës… dhe tragjedia vazhdon! Edhe sot, shqiptarët largohen nga vendi i tyre. Edhe sot, Shqipëria humb bijtë dhe bijat e saj. Po pse ikin shqiptaret?
Ikin sepse: Shteti i tyre nuk i ofron asgjë. Sepse shteti i tyre eshte kunder tyre. Një shtet që i le në baltë. Një shtet që i shërben vetëm një pakice të vogël – asaj që është e lidhur me politikanët e korruptuar. Shqipëria që latë ju… është e njëjta Shqipëri që është edhe sot. Në çdo cep, në çdo institucion, në çdo sektor, gjithçka eshte e kapur nga politikanet e korruptuar. Do të marrësh pronën që të takon? Duhet të njohësh dikë në qeveri.
Do të ndërtosh në tokën që të kanë lënë të parët e tu? Duhet të bësh marrëveshje me oligarkët e pushtetit. Do të hapësh një biznes? Do të konkurrosh në treg? Nuk të lë ministri, sepse cdo gje eshte e kapur nga monopolet. Kjo është e vërteta!
Eshte e hidhur! Por jo e pandryshueshme!Dhe unë jam këtu sot për t’ju thënë qe ne mund ta ndryshojme kete realitet. Ky eshte momenti per tu zgjuar.
Te dashur miq, si eshte e mundur qe ne jeten e perditshme, ne shoqeri ne biznes, ne nuk lejojme njeri qe te na terheqi prej hundeve. Ne nuk e ham sapunin per djath. Ne nuk lejojme asnje te na mashtroje. Pse duhet te lejojme qe keta politikane te korruptuar te vazhdojne te vjedhin vendin tone. Sepse e verteta eshte qe po e vjedhin Shqipërine. Ka ardhur momenti te shkeputemi nga e kaluara. Ka ardhur momenti te kuptojme qe edhe ne kemi gabuar qe nuk kemi reaguar. Ka ardhur momenti te zgjohemi.
Te dashur miq, shqiptaret jane nje popull ambicioz, nje popull punetor, i ndershem, qe ka vuajtur padrejtesine me te madhe qe mund ti besh nje njeriu, ti vjedhesh mundesine. Ne kerkojme vetem nje mundesi. Dhe nese nuk na jepet ajo mundesi ne Shqiperi, e kerkojme jashte. Por, sot Shqiperia ka nevoje per ju, per shqiptaret punetore dhe te ndershem. Diferencën do ta bëjnë shqiptarët që kanë një shpirt sipërmarrësi! Ata që nuk dorëzohen. Ata që kanë vullnet për të fituar, për të krijuar, për të ndërtuar. Por çfarë ndodh sot?
Dëgjojmë politikanët e vjetër të flasin për shtetin si zgjidhje të çdo problemi. Shteti do të ulë çmimet, sipas tyre. Shteti do të fuqizojë prodhimin, bujqësinë, rrogat, punësimin. Por kjo nuk është e vërtetë! Ky është një mashtrim! Injorancë dhe mashtrim! Politikanë të korruptuar, të paaftë, të paditur! Njerëz që nuk e dinë çfarë është puna! Njerëz që nuk e dinë çfarë do të thotë të bësh duart pis me punë! Këta njerëz nuk kanë punuar asnjë ditë në jetën e tyre! Nuk kanë krijuar asgjë! Kanë hyrë në politikë me xhepat bosh, dhe sot janë të pasur! Dhe kush i ka bërë të pasur? Ju! Sepse ju kane vjedhur.
Ne kemi një vizion të qartë, ne duam me pak shtet, me shumë mundësi për shqiptarët
1. 50% me pak administrate, kosto dhe burokraci
2. 50% me pak taksa
Partisë Mundesia nuk do shkoj kundër drejtësisë, lufta kunder korrupsionit nuk preket Ne jemi një parti e djathtë! Ne besojmë në iniciativën private! Ne besojmë në tregun e lirë! Ne besojmë në lirinë e qytetarëve përballë shtetit!Ne mendojmë se shteti është pengesa, jo zgjidhja!
Zgjidhja nuk është qeveria! Zgjidhja jeni ju! Qeveritë kanë qenë fatkeqësia më e madhe e Shqipërisë në këto 30 vjet! Dhe e vërteta është e qartë: Qeveria është problemi! Ne duam t’ju heqim shqiptareve shtetin nga kurrizi! Ne duam një qeveri më të vogël dhe më efikase! Ne nuk besojmë në një shtet që kontrollon gjithçka! Nuk besojmë në një shtet që ndëshkon qytetarët dhe shpërblen miqtë e pushtetit! Ne besojmë në një Shqipëri ku ju jeni të lirë të punoni, të fitoni, të ndërtoni të ardhmen tuaj! Koha e tyre ka mbaruar. Koha jonë po vjen! Dhe ne do të fitojmë! Sepse kemi të drejtë! Sepse kemi një vizion të qartë! Sepse shqiptarët kërkojnë ndryshim të vërtetë! Kjo është koha për të ndërtuar një Shqipëri të drejtë! Një Shqipëri ku ka mundësi për të gjithë. Një Shqipëri që iu respekton si qytetarë. Një Shqipëri ku ju mund të investoni, të riktheheni në shtëpinë tuaj. Koha ka ardhur! Dhe ne do të fitojmë! Rroftë Shqiperia, rrofshin shqiptarët e ndershëm!
