Rusia dhe Ukraina kanë kryer një shkëmbim të burgosurish, njoftoi Moska më herët.
Donald Trump dhe Vladimir Putin u dakordësuan për shkëmbimin e të burgosurve gjatë një bisede telefonike që zhvilluan dje.
Ministria ruse e mbrojtjes tha në një deklaratë se 175 ushtarë ukrainas janë shkëmbyer me 175 ushtarakë rusë.
Moska gjithashtu dorëzoi 22 të burgosur ukrainas të plagosur rëndë që kanë nevojë për kujdes urgjent mjekësor në atë që e përshkroi si një “gjest vullneti të mirë”.
Moska tha se Emiratet e Bashkuara Arabe ndërmjetësuan marrëveshjen dhe se ushtarët rusë të liruar janë aktualisht në Bjellorusi në pritje të tranzitit për në Rusi.
