Kryeministri Edi Rama prezantoi sot kandidatët e PS në Shkodër për zgjedhjet e 11 majit.
Ai bëri thirrje që qytetarët të votojnë Partinë Socialiste që Shqipëria të futet në Bashkimin Evropian.
Rama theksoi se me futjen në BE, ne marrim një buxhet ekstra çdo vit, më shumë se 1 miliardë çdo vit, ku 90% është grant dhe 10% është kredi.
“A mund të diskutohet më se çfarë duhet votuar dhe si duhet votuar më 11 maj kur kjo është koha e duhur, ky është vendi i duhur dhe ne jemi forca që jemi këtu në këtë vend dhe në këtë kohë. Mund të kesh 100 rezerva, kritika, mund të mos duash ta dëgjosh fjalën socialist, demokrat 24 karat, por s’ka pikë rëndësie. Në 11 maj shkëputemi nga historia qindra vjeçare e të qenit vetëm, jo vetëm trimi i mirë me shokë shumë, por do të jemi pjesë e asaj familje ku është pjesa përfituese. Me futjen në atë familje, ku më të mëdhenjtë dhe më të dobëtit të rriten, ne marrim një buxhet ekstra çdo vit, në gjithë këtë periudhë kohe 10 vjet kemi marrë nga BE diçka më shumë 1 miliardë euro, 90% kredi, 10 % grant. Me futjen në BE ne marrim më shumë se 1 miliardë çdo vit, ku 90% është grant dhe 10% është kredi”, deklaroi Rama.
