I ftuar në Top Channel me Grida Dumën, Sali Berisha ka dhënë një deklaratë jo të zakontë për proflin e tij politik. Si asnjëherë më parë, ai e ka pranuar, që me rrugën që nisi në PD pas pezullimit nga grupi parlamentar nga Lulzim Basha, ai ishte i vetëdijshëm se Partia do të çahej.
“E dija që partia do të çahej. E dija që njerëzit me shumë të drejtë do të kishin shqetësim këtë qëndrim ndaj Amerikës.” – u shpreh Berisha.
Kjo deklaratë vjen pak kohë pas një deklarate tjetër të Berishës, i cili kohë më parë te Ora e Betit në Ora News u shpreh se ishte fat i madh për Shqipërinë që Partia Demokratike nuk fitoi zgjedhjet.
Këto dy deklarata të Berishës më shumë se sa koshiencën, nxjerrin në pah subkoshiencën e një politikani që për fatin e tij personal, i vuri zjarrin PD-së dhe opozitës, duke e tkurrur dhe duke e zvogëluar më shumë, edhe përpos 12 viteve në opozitë.
