Deklaratë mbi anashkalimim dhe mungesën e aksesit mediatik, si një barrierë e grave në politikë.
Task Forca për Dhunën ndaj Grave në Politikë dënon përjashtimin sistematik dhe trajtimin e njëanshëm mediatik të kandidateve gra, në prag të zgjedhjeve të 11 majit 2025.
Institucionet mediatike mbajnë përgjegjësinë për të siguruar akses të barabartë dhe të drejtë për të gjithë kandidatët. Megjithatë, kemi qenë dëshmitarë të dy formave kryesore të anshmërisë mediatike që minojnë kandidaturën dhe rrjedhimisht, të drejtën demokratike të grave për të konkurruar në mënyrë të barabartë në zgjedhje:
Anashkalimi mediatik – Gratë në përgjithësi, por edhe në këto zgjedhje, në veçanti znj. Elena Kocaqi, e vetmja kryetare grua e një partie për këto zgjedhje, është përjashtuar në mënyrë sistematike nga debatet dhe sondazhet në opinionin publik, duke dhënë përshtypjen e pavërtetë se ajo dhe platforma e saj janë të parëndësishme. Ky është një akt i drejtpërdrejtë i anashkalimit mediatik dhe politik që mohon aksesin e barabartë të kandidatëve dhe pengon votuesit të bëjnë një zgjedhje të informuar..
Task Forca kërkon:
Mbulim të barabartë dhe të drejtë mediatik për të gjitha subjektet zgjedhore dhe kandidatët.
Përfshirje në debatet publike dhe sondazhet mbi opinionin publik pa kushte ose paragjykime të bazuara në gjini.
Eliminimin e praktikave mediatike që zvogëlojnë lidershipin e grave.
Përgjegjësi nga rregullatorët e medias dhe institucionet mediatike për të mbështetur parimet demokratike dhe pluralizmin politik.
Task Forca kundër Dhunës ndaj Grave në Politikë qëndron kundër të gjitha formave të anashkalimit mediatik që synojnë të heshtin, margjinalizojnë ose delegjitimojnë gratë në vendimmarrje. Ne i bëjmë thirrje gazetarëve, mediave, organeve rregullatore dhe institucioneve zgjedhore të marrin masa të menjëhershme.
Padukshmëria dhe mbulimi i njëanshëm mediatik nuk janë thjesht rastësi, por akte të dëmshme të përjashtimit politik.
Ne nuk do të qëndrojmë duarkryq, kur grave në politikë u mohohet e drejta për një konkurrencë të pastër zgjedhore.
