Kryeministri Edi Rama po zhvillon sot një takim me shqiptarët në Kretë të Greqisë, në kuadër të votës së diasporës.
Gjatë fjalës së tij në stadiumin “Kladiddos”, Rama theksoi dhe njëherë rëndësinë e votës së diasporës në zgjedhjet e 11 majit.
Kryesocialisti e cilësoi si fat që historinë e Shqipërisë në BE do e shkruajë Partia Socialiste.
Rama: Jam shumë i kënaqur që sot jam këtu për të shkruar një copëz historie, një copëz historie që fati ka dashur t’na jepet ne si mundësi. Shumë të tjerë para nesh, shumë para nesh, e kanë ndërruar dhe kanë luftuar për këtë, historinë e pandashme dhe të pandarë nga Evropa. Kur Skëndërbeu u bë hero për Evropën, nuk kishte BE, por kishte Evropë. Dhe kështu, dekadë pas dekadës, shekull pas shekulli, ëndrra e shqiptarëve mori një hov tjetër. Sot 246 mijë shqiptarë të Evropës, se mua nuk më pëlqen fjala diasporë, por shqiptarët e Evropës dhe botës janë regjistruar për zgjedhjet e 11 majit. Le të bëhemi bashkë në 11 maj dhe të bëjmë të mundur që Shqipëria të jetë anëtare e BE.
Gjithashtu Rama tha se më në fund i erdhi mundësia që të jetë në Kretë.
“Ky vend ku historia ka parë shumë dhe ka lënë shënim jashtëzakonisht shumë gjëra me shumë rendësi jo thjeshtë për Greqinë dhe kombin grek, por për të gjithë Europën. Këtu në Kretë, Zeusi rrëmbeu princeshën të cilën pastaj e çoi diku tjetër dhe emri i saj ishte Europa dhe nga këtu Europa mori emrin”, tha Rama. “Më në fund m’u dha mundësia të vij këtu në Kretë, nëvendlindjen e Zeusit. Sipas mitologjisë, Zeusi rrëmbeu princeshën, emri i saj ishte Europa. Nga këtu, Europa mori emrin. Këtu, në Kretë kanë lindur shumë njerëz që i kanë dhënë Greqisë, por Europës dhe mbarë kulturës botërore. Në çdo pjesë të Greqisë, pjesë të historisë, shqiptarët kanë qenë të pandashëm. Arvanitasit janë të njohur se për vite të tëra kanë qenë mbrojtësit e Kretës. Si ushtarë, ishin në vijën e veneciancëve dhe i mbajtën otomanët jashtë Kretës. U bënë pjesë e historisë dhe jetës së këtij ishulli të jashtëzakonshëm. Jemi bashkë për të shkruar një copëz tjetër historie.
Video:
