Gjatë një takimi me shqiptarët në Kreta, Kryeministri Edi Rama njoftoi se pas një viti, Kreta do të ketë konsullatën e re të Shqipërisë.
Ai theksoi se kjo është një arritje e madhe për shqiptarët që jetojnë atje, duke i afruar më shumë me shtetin shqiptar dhe duke eliminuar nevojën për të udhëtuar në Athinë për shërbime konsullore.
“E kemi bërë Evropën të na respektojë dhe vlerësojë. Ne bëmë të mundur që Shqipëria të bëhet e madhe sa Evropa dhe Evropa të bëhet e vogël sa Shqipëria.
Kreta është një ishull kokëfortësie, njerëzit më kokëfortë kanë dalë këtu në Kretë dhe keni triumfuar këtu, dhe prandaj unë dua t’ju them se si sot, pas 1 viti, këtu do të jetë në dispozicionin tuaj Konsullata e Shqipërisë. Ju nuk do keni nevojë të shkoni në Athinë, njësoj siç shkodranët apo vlonjatët e kanë tmerr kur i thonë shkoni në Tiranë, unë e di që dhe ju e keni tmerr kur ju thonë shkoni në Athinë, por ne do t’ja sjellim shtetin shqiptar këtu në Kretë”, tha Rama.
