Në takimin me shqiptarët e Athinës në Greqi, kryeministri Edi Rama ironizoi kreun e Partisë Demokratike, Sali Berisha.
Edi Rama: E kam për nder tha ai të jem buf, sepse bufi ka qenë simbol i Athinasë , i urtësisë dhe bukurisë se i duke vetja dhe i bukur atij dhe me thënë të drejtën se ju e dini dhe vetë sa super sexy që është ai.
Por problemi është se nuk bëhet fjalë për të njëjtin buf. Bufi i grekëve dhe romakëve është ai buf i vogël ndërsa për këtë tonin populli thotë ç’më rri akoma aty o buf kënete. Bufi i urtësisë rri në male, ai i joni mbretëron në një llum që i ka penguar shqiptarët ndër vite, atë bufin në Tiranë e kemi peshqesh nga periudha komuniste.
Më 15 maj të gjithë liderët e BE vijnë në Tiranë. Në 16 maj vijnë të gjithë liderët e Europës jashtë BE, që nga Britania tek Ukraina, Turqia e me radhë. Vjen edhe Sekretari i NATO-s.
Imagjino se çfarë ndryshimi ka midis një mesazhi të 11 majit ku shqiptarët pa ndasi politike i çojnë Europës mesazhin që të gjithë duam të hyjmë në BE tani dhe një mesazh të paqartë. Imagjinoni sikur, se kjo nuk ndodh, atyre t’u shfaqet bufi i kënetës si bashkëbiesdues. Imagjinoni BE dhe NATO-n që bashkë bisedojnë me bufin e kënetës.”- tha ai.
Rama përsëriti edhe një herë se ishte pikërisht qeveria e tij që i dorëzoi “shpatën” e drejtësisë, SPAK-ut. Sipas tij, diçka e tillë nuk është dashur nga demokratët.
“Ata dhe dashuria ime, Luli, nuk donin reformën në drejtësi dhe as SPAK madje kërcënuan se nuk do të hyjnë në zgjedhje. Shpresa e tyre e dëshpëruar dhe e mjerë e tyre sot është që SPAK të shkatërrojë PS dhe t’u vijë radha atyre.
Ajo që nuk kuptojnë ata bashkë me shitësin e vegjël të qilimave, që janë të gjithë vegla që të reja kanë vetëm moshën, të gjithë nuk kuptojnë që ne nuk jemi në një punë, ne jemi në një mision, që të bëjmë Shqipërinë pjesë një herë e mirë të familjes europiane, e për të bërë këtë e dimë që barazia e ligjit është kusht.
Mund të mos jemi shumë të mençur por nuk na merr njeri për aq budallenj sa të mos dinim që duke i dorëzuar shpatën drejtësisë, nuk parashihnim që ajo shpatë do të binte edhe mbi kokat e disave nga ne. E dinim dhe nuk jemi penduar. Jemi krenar për këtë”- tha ai.
