Një automjet është përfshirë nga flakët ndërsa udhëtonte në rrugën kombëtare Gjirokastër-Sarandë.
Ngjarja ka ndodhur mbasditen e së dielës në vendin e quajtur kthesat e Qafës së Muzinës. Automjeti tip “Mercedes Benz” ka filluar të digjej në pjesën e motorit ndërsa udhëtonte me destinacion Sarandën.
Personat që udhëtonin në automjet kanë arritur të dalin në kohë dhe nuk raportohet për të lënduar.
Dyshohet se shkak i djegies së makinës janë problemet teknike. Ky është rasti i dytë brenda pak ditësh kur një automjet është përfshirë nga zjarri, pasi gjatë kësaj jave një tjetër makinë u dogj në rrugën kombëtare Gjirokastër-Kakavije, pranë Dropullit.
Ekspertët zjarrfikës apeluan për një kontroll të vazhdueshëm të automjeteve dhe theksuan rëndësinë e paisjeve për fikjen e zjarreve, si fiksa, për të parandaluar incidente të tilla.
