Kryeparlamentarja Elisa Spiropali ka folur në takimin e dytë “Shqipëria 2030 në BE – Rruga e Reformave”, që po zhvillohet në Tiranë. Në fjalën e saj, Spiropali tha se Shqipëria nuk ka qenë kurrë më pranë Bashkimit Europian.
“Asnjëherë Shqipëria dhe shqiptarët nuk kanë qenë kaq afër, të qartë dhe të vendosur në rrugëtimin e tyre drejt familjes evropiane. Asnjëherë BE nuk ka qenë kaq i bindur dhe qartësisht për progresin dhe anëtarësimin e Shqipërisë. Jemi në një momentum historik që po e shfrytëzojmë për ta vendosur brenda kësaj dekade yllin e Shqipërisë mes 27 yjeve të Evropës. Tashmë që forcat politike kanë zbritur në fushë për 11 maj ta konsiderojmë këtë fushatë zgjedhore si mundësi për t’u bashkuar më shpejt familjes tonë të nartyeshme evropiane”, u shpreh Spiropali.
