Ish-ministrja për Shtetin dhe Standardet e Qeverisjes, Milva Ekonomi u vendos në studion e “Off the Record” përballë shifrave, kokëforta duhet thënë sa i përket emigrimit të shqiptarëve përgjatë qeverisjes së Partisë Socialiste.
Moderatori Andrea Danglli i tha Ikonomit nëse është korrekte t’iu kërkosh votën shqiptarëve duke iu premtuar pasaportën europiane në 2030, në një kohë kur shifrat zyrtare tregojnë se 6500 qytetarë e kanë braktisur pasaportën e vendit tonë në 10 vitet e fundit dhe 429 mijë të tjerë kanë emigruar nga 2011 deri në 2023.
Deputetja socialiste u përgjigj duke thënë se qytetarët nuk mund të privohen nga liria e lëvizjes.
“Në momentin që bëhesh pjesë e BE, ke një pasaportë europiane që të njeh më mirë t katërta liritë që ti ke. Lirinë e lëvizjes së njerëzve, kapitaleve, shërbimeve dhe investimeve., Shqipëria bëhet një vend i barabartë me të tjerat. Do jenë këta shqiptarë që do lëvizin, apo do jenë italianë e holandezë që do vijnë. Kjo është një gjë që do e shohim bashkë në kohë”, tha Ekonomi në “Off the Record” nga Andrea Danglli, në A2 CNN.
Sa i përket braktisjes së shtetësisë nga bashkëkombësit tanë, Ekonomi tha se në disa raste detyrohen prej rregullave në vendet ku janë zhvendosur dhe kanë ndërtuar jetën e tyre.
“Sepse vendi ku ti ke emigruar, dhe do të bëhesh shtetas se i ke plo2ësuar kushtet, i ke paguar në rregull taksat, ke aq vite që jeton etj…. i di rregullat ti, do marrësh shtetësinë. Ka disa vende që nuk e lejojnë dyshtetësinë siç ishin Gjermania dhe Austria”, shpjegoi ajo në “Off the Record” nga Andrea Danglli, në A2 CNN.
E pyetur më tej nëse premtimi për anëtarësimin në BE, që kryeministri Rama dhe socialistët duke kërkuar votën në zgjedhjet e 11 majit, do të arrijë të ikjen e shqiptarëve, Ekonomi tha: “Jo, jo duhet të dish diçka, net migration, ajo që duhet ta bësh ti me kujdes, është historiku midis dy Censve. Kemi Censin e 2001-2011 dhe 2011-2023, mënyra e të larguarit të shqiptarëve ka qenë 47-48 mijë shqiptarë (net migration) që lëvizin çdo vit. Në periudhën e dytë net migration janë 41 mijë shqiptarë që lëvizin çdo vit. Ato numrat janë gati njësoj për të dy periudhat. Kjo tregon se edhe me pasaportën e BE, e drejta për të vendosur se ku jeton ti është e drejtë europiane. Ti mund të kesh prapë njerëz që lëvizin për punë, siç do kesh dhe të huaj që do vijnë të jetojnë në Shqipëri
