Kryeministri Edi Rama ka bërë deklarata të forta dhe me tone ironike gjatë një fjalimi publik, duke vënë theksin te roli i grave dhe vajzave në shoqëri dhe në zhvillimin e vendit. Ai u shpreh se gratë kanë një mision të madh dhe se mbështetja e tyre ka qenë vendimtare për rrugëtimin e Shqipërisë drejt Bashkimit Europian.
“Burrat gjysmën e trurit e kanë me ujë, me ujë kënete,” tha Rama, duke shtuar me ironi se “vetëm bishti do t’ju mungonte” nëse gratë do të mungonin për një muaj.
Ai vijoi me një shembull praktik nga jeta e përditshme:
“Imagjinoni sikur në Maliq gratë të largoheshin për një muaj dhe t’ju linin juve me Gëzimin. Do të ishit të parruar, të palarë, të pangrënë dhe do vinit vërdallë, vetëm bishti do ju mungonte.”
Sipas Ramës, gratë mbajnë shtëpinë, familjen dhe një pjesë të madhe të barrës së jetës së përditshme. Ai pranoi se edhe burrat kanë rolin e tyre, por theksoi se është koha që të pranohet realisht pesha e kontributit të grave
