Të gjitha sondazhet e nxjerrin humbëse PD-në, çfarë duhet të bëjë Berisha?
Deri tani të gjitha sondazhet, edhe në mediat e tij, e nxjerrin Berishën dhe koalicionin e tij jo fitues. Flasim për votuesit brenda territorit të Republikës. Ndërsa për votuesit e diasporës nuk ka sondazhe sepse është shumë e vështirë të sondozh, pasi çdo kompani serioze do të rrezikonte reputacionin e saj.
Ndonëse votat e diasporës mund të jenë vendimtare, por nisur nga votuesit e testuar në Shqipëri, pakkusht në selinë Blu beson realisht se do të fitojnë me 11 maj. Ata kandidate që janë të lista e sigurtë në PD, sipas deputetit aktual demokrat Dashnor Sula, “kanë siguruar mandatin dhe nuk punojnë me pasion, por pijnë verë në drekë e darkë”.
Po sipas tij, PD dhe Berisha nuk kanë asnjë shans të fitojnë për faktin se duhet që Berisha të kandidonte një emër tjetër për kryeministër përballë Edi Ramës.
Edhe 20 ditë mbeten dhe shkojmë në votime, ndërkohë që PD-ja dhe Berisha duhej ti afroheshin Ramës, të paktën me 5 pikë diferencë. Por akoma janë 15 pikë larg tij.
Sipas deputetit demokrat, nuk ka shans që Berisha të rikthehet në pushtet, sepse nuk ka forcë e numra për ta mposhtur kryeministrin Rama.
“Me mirë të shkruajë libra e kujtime se sa të marrë në qafë PD-në. E përsëris se si demokrat, Berisha do të bënte mirë të shpallë një emër tjetër, që ngjall besim, për kandidat për kryeministër”- shton Sula./A.Mati/
