Çështja e portës ka qenë një nga diskutimet e shumta në Barcelonë pas kthimit të gatshëm të kapitenit Ter Shtegen. Me kthimin e gjermanit, mediat kanë nxituar të ngacmojnë trajnerin e katalanasve se çfarë do të bëjë me portën tani që të tri portierët janë gati.
Dhe Flik ka shuar çdo debat të mundshëm. Ai e ka bërë të qartë se çfarë mendon për portën dhe çfarë ka zgjedhur. Në Ligën e kampioneve titullar deri në fund do të vijojë të jetë Shezni. Ndërkohë që ai ka lënë të hapur mundësinë e aktivizimit të Ter Shtegen në javët e mbetura në La Liga.
Kujtojmë se deri në fund të sezonit në Spanjë kanë mbetur dhe 5 takime dhe ndoshta me një sukses të parakohshëm të titullit mund të ketë vend për Ter Shtegen.
