Analisti Baton Haxhiu debatoi në emisionin “Të Paekspozuarit” me gazetarin Andi Tela për standardin e zgjedhjeve të 11 majit. Ndërsa Haxhiu tha se zgjedhjet sivjet kanë qenë më të mirat që ka patur Shqipëria në kuptimin procedurial dhe praktik, Tela u shpreh se ky është shikim i përciptë i asaj që ka ndodhur në të vërtetë
Pjesë nga debati
Baton Haxhiu: OSBE/ODIHR ka gjithmonë dy qëndrime. Nuk guxoj ta kem një gjykim për konferencën për shtyp. Kur të lexoj raportin flas. Zgjedhjet sivjet kanë qenë më të mirat që ka patur Shqipëria në kuptimin procedurial dhe praktik. Sa i përket polarizimeve, nuk mbaj mend të ketë patur më pak se këtë herë.
Andi Tela: Zgjedhje të mira në ç’kuptim? Njëri prej këtyre tha në konferencë, se shoqëria civile, aktorët poltiikë, duhet të ndikojnë, shohim që vetëm 42% e popullsisë voton dhe të tjerët abstenojnë.
Baton Haxhiu: Ai nuk ka dijeni për këtë. Shqipëria deri diku, Maqedonia e Veriut dhe Kosova, votojnë në numrin më të lartë të përqindjes së rezidentëve, por janë 3.7 mln të regjistruar.
Andi Tela: U duk si ufo ai atje, por edhe deklarata e tyre që zgjedhjet ishin të qeta, nuk është realiteti, nuk ka ndodhur kështu.
Baton Haxhiu: Unë fola për të dielën. Pastaj është temë tjetër.
Andi Tela: Ky është shikim i përciptë i asaj që ka ndodhur në të vërtetë.
